| 今天，本是考試的最後一天
應該是很快樂的一天
可是.........那一個永X的旅行社
很可恨
原本我是報較便宜的旅行團
是12199的澳洲7天抵玩團
而且有1500大元的折扣
報的時候那個職員說已經成團
團只人數已經有12個
只要看看機票會否因熱門時期而買不到
(因為我姐姐們想要stay behind)
但是，今天姐姐打去double confirm的時候
注意︰係我家姐自己親自打電話去問下個個高貴的旅行社confirm 左未
而唔係個旅行社自己打電話黎
另一個職員說這個團要取消，因為其中有團員的簽証有問題
所以不成團，這個永X的旅行社說只能升級到豪華團
大佬，你玩野呀?逼我報貴團，仲要無左discount
而且，我家姐問佢有幾多個人簽証有問題既時候佢答唔到
問佢如果我地唔打黎問，你係米唔準備話我知個團cancel左
佢又好驚青，話本身想晏小小打電話
於是家姐叫其他同事扮成客人問我之前報的團
結果個職員話個個團不會成團的，不要報那個
然後就叫我地報個個貴到嘔淨團費都要14000既團
好明顯就係無心做個抵玩團者，所以連sell 都唔sell 啦
我估計一定係佢覺得個團太便宜(事實上我覺得都唔便宜)，無錢賺所以唔搞
等班人一定要轉去貴團者，旅行社之中你都夠賤囉
好了，我決定我要去什麼香X討論區，xwant討論區唱衰呢間旅行社
|
| |
| 那天，我把雞脾放了入冰箱
雞脾互相黏住了，我又用水，又用刀
出盡九牛二虎之力準備要分開它們
這時，室友問︰『何解你唔用微波爐既解凍功能呢？』
鬼咩，我唔識用呀嘛，俾你知道米好樣衰
於是我回答︰『我準備整兩隻咋！』(這回避問題的技巧好低…)
天知道我宿舍那個微波爐好複雜
它有微波爐，普通烤爐，烤麵包爐，解凍，焗蛋糕和普通煮野食的功能
我家的那個微波爐只需要放個碟入去，轉個分鐘製就搞掂
這麼複雜，製多到爆的微波爐，我又點識用呢…..
這天要煎羊扒，看到四下無人，於是偷偷試用
(來了四個月才偷偷試用…..太慢了吧！)
於是放羊肉進去，本以禁解凍再調分鐘就可以了
可是，我按下解凍製，它居然問我這是肉，還是魚，還是菜
好吧，是但啦，我估都一樣既者
按下肉的製，它問我那些肉有幾重？？？我又點知哦！！
是但啦，100g 同200g同300g 應該都一樣既
於是又隨便按了150g，好伶丁的數字
按了後，它自動幫我調成3分鐘解凍，並且開始運作
果然高科技，但是……..
3分鐘過後，車，肉….仍是黏住呀
最後米又係用水沖，用刀砍，出盡力撕開佢……..
根據室友的情佈表示，此等高智能微波爐在澳洲賣幾600元
折實價約4000元港幣，我這種鄉下來的小女孩不會用也是應該的！
還有28天回香港去！
|
| |
